Excellence Soccer Academy U15 ta estrená uniform nobo

Nagico Insurances ta kontentu di por duna un kontribushon:

970
WILLEMSTAD, OKT 2018 – Resientemente Nagico Insurances Curaçao a bishitá e tim U15 di Excellence Soccer Academy durante di un entrenamentu den kuadro di un patrosinio pa e tim su unifòrmnan nobo. E kompania di seguro ku mas a bin ta krese últimamente na Kòrsou pa su manera dinámiko di aserka klientenan ku e kampaña ‘Kambia i Spar 15%’ no a basilá niun momentu pa duna un sosten na e tim di futbòl hubenil.

“Hóbennan di entre 12 pa 16 aña di edat ta den un fase masha importante di nan bida. Ta netamente den e fase aki mester duna mas atenshon na nan formashon, i deporte ta un tremendo vehíkulo pa esaki; e ta yuda nan e.o ku konsentrashon i ku trabou den ekipo, esakinan ta karakterístikanan importante pa un bida profeshonal despues. Nos ta kontentu di por duna e kontribushon aki i ta deseá e tim hopi éksito pa e próksimo temporada. ”, esaki di akuerdo ku representante di Nagico Insurances Curaçao.