Victory Boys kampion ‘Torneo 70 aña Vesta’

169
Jimmy De Caster tumando premio for di Erik Lourens.

 

WILLEMSTAD—Tereno di bala di e ekipo di Vesta, den bario di Sta Maria, durante di e fin di siman tras di lomba, tabata sitio pa e torneo 70 aña di Vesta. Esaki inisiando djabièrnè i a tèrminá djasabra último, na momentu ku e partido final a mira akshon.

Esaki a bai entre e ekipo di kas i e organisadónan Vesta, ku a enfrentá e ekipo di Victory Boys. Miéntras ku primeramente tabata S.U.B.T. i Vitesse di Boneiru, ku a enfrentá otro, den wega pa terser puesto.

Den e wega pa di 3 i 4 lugá, tabata S.U.B.T., ku ta gana ku skor di 5-1. E  golnan di e ekipo di Kintjan, a keda anotá pa Edgar Cassiani, kende tabatin un hattrick, Julio Hernandez i Shairon Boelijn. Miéntras ku Siklomar Martina, a salba honor pa e ekipo bishitante.

Den e partido final, Victory Boys, ta golia Vesta, ku skor di 3-0. Jamian ‘Jimmy’ De Caster a anotá na 2 okashon i Jeandrick Keller, a anotá e otro gol pa e ganadónan logra triunfo i e titulo, den torneo ku a konta ku bon asistensia i tambe un tremendo ambiente.

E ekipo kampion a duna un bon futbòl, unda ku e doñonan di kas, no por a konta ku diferente di nan hungadónan, kende a opta pa hunga futsal djasabra i no tabata ku nan ekipo den e gran final. Miéntras ku tambe a ekipo tin miembronan ku leshon i otronan den eksterior.

Di akuerdo ku Erik ‘Lou’ Lourens, ta e intenshon pa kontinuá ku e torneo aki. Na final e tres promé ekiponan, a risibí un bunita trofeo, miéntras ku e number kuater, ku tabata Vitesse di Boneiru, a risibí un bunita plakat.