Delegashon di dominó a sali pa mundial na RD

180
E delegashon di domino ku a bai mundial.
WILLEMSTAD—Tabata djamars último, den oranan di anochi, un delegashon lokal den representashon di e federashon lokal di dominó, a sali pa Repúblika Dominikana, den un biahe ku lo dura un siman.

Esaki pa asina partisipá den e di 15 edishon di e kampionato mundial di dominó, estilo 200 tantu, ku lo inisiá mañan, djaweps dia 25 òktober 2018. E kompetensia mundial aki, ta konta ku partisipashon tambe di Aruba, Panamá, Colombia, Puerto Rico, Merka, Mexico, Afgasia, Rusia, Costa Rica Brazil, Colombia i e ekipo di kas.

Huntu ku e ekipo lokal, tambe a biaha un rèfri, pa aktua den e kompetensia, kende ta Hensley Rondei.

Miéntras ku e miembronan di e delegashon di dominó,ku lo kompetí representando Kòrsou, ta Raymond Windster, Hubert Martis, Marlon De Windt, Giovanny Cornelio, Sandy Christopher, Luis de Sousa, Frensel Adelina, Wilfrido Vrutaal, Rajif Merenciana, Melvin Willems, Imro Wederfoort, Canword Rooi, Kenneth Martha, Jonathan Harts, Rosaline Harts, Violeta Rijna, Gladwin Sparen, Gilbert Merenciana, Shurlaika Dorand, Jaqueline Volk, Naida Cristina, Jean-Mark Welvaart, Franklin Hironimus, Wilfried Rondei, Sharlon Dorothea, Shutlan Sabina, Suegeidi Francisco i Djuric Morales.

Djuric Morales, ta alabes tambe e hefe di delegashon. E weganan lo tuma lugá den kapital na Crown Plaza Hotèl. Tur e weganan lo wòrdu hunga den kategoria individual, hungando djaweps, djabièrnè i djasabra, inisiando tur dia 10’or i mainta ku un pouze mèrdia, pa sigui 2’or di trai mèrdia.

Lo bai tin medayanan di Oro, Plata i Bròns, miéntras ku tambe lo bai tin $ 40.000,= kèsh, ku lo wòrdu repartí entre e klasifikadónan.