Jong Holland ta bari ku premio den anochi di premiashon FFK

178
Miembronan di e ekipo trikolor ku a bari den premiashon.
WILLEMSTAD—Sala di edifisio di ABVO ayera den oranan di anochi tabata sitio unda Federashon Futbòl Kòrsou tabatin nan anochi di premiashon.

Esaki unda a premia esnan kende mas a destaká den e diferente kategorianan, pa loke ta e diferente temporadanan di  e kampionato tras di lomba. E anochi, denominá komo “A night in China Town”, tabata unu ku a inisiá ku un homenahe na e baluartenan na kende e kampionato tabata dediká, pa seguidamente premia e kampion i supkampionnan den e diferente kategorianan.

Tabata un anochi, unda miembronan di ekipo trikolor di Jong Holland, ku ta kampion di e promé divishon di futbòl FFK, a bari ku premio. Un ke otro unda entre otro e ekipo a resultá e ekipo di aña, banda di tabata e ekipo kampion. Charles ‘Charlie’ Martina a resultá e MVP di temporada. Kiper Julian Gaviria a bira e mihó kiper di temporada. Jurensley ‘Enchie’ Martina, kende tambe a hunga ku Jong Holland tabata e máksimo goliadó di temporada i Quinton Burk a risibí e premio di nobato di aña.

Premio pa e dirigente atministrativo a bai pa Riky Martinus di Vesta, miéntras ku tambe tabatin premio pa esnan ku a destaká den e otro divishon i kategorianan.