Kasnan evakuá pa eksplosivo den Amsterdam

118
intento pa eksplotá un bankomátiko na supermerkado
AMSTERDAM—Diferente kas den Lambertus Zijlplein na Amsterdam a keda evakuá algun ora despues ku a haña eksplosivonan den e kaya.

Polis ta sopsechá ku ta trata di un intento pa eksplotá un bankomátiko di un supermerkado. Servisio di desmantelashon di Eksplosivos di Defensa EOD a desmantelá e eksplosivonan pa laga nan eksplotá na un sitio spesial. E investigashon di polis ta kontinuá. Alrededor di 30 kas a keda evakuá segun un bosero di polis. Alrededor di 8:00 e habitantenan por a regresá nan kas. Rode Kruis a duna asistensia na habitantenan ku mester a Sali nan kas tempran mainta. Verano pasa a haña diferente eksplosivo den Amsterdam. Den dos kaso tabata trata eksplosivonan den sentronan komersial.