Siklista arubano Shanayah Howell lo kore na Kòrsou

87
Shanayah Howell.
WILLEMSTAD—E siklista femenino di Aruba, Shanayah Howell, lo kore na Kòrsou djadumingu próksimo. Esaki den e evento internashonal “BMX Pro National Series’, ku lo tuma lugá riba nos isla. Un ke otro riba e pista di BMX, Global, situá na Chuchubiweg 10 na Damacor.

Esaki inisiando djabièrnè benidero dia 26 òktober, pa finalisá djadumingu awó, dia 28 òktober 2018.  Lo bira kompetensianan pa entre otro puntonan nashonal pa siklistanan Pro, unda Shanayah Howell lo kore djadumingu próksimo.

Resientemente e tabata den kompetensia na Repúblika Dominikana i no a logra yega final, den e kareda final, despues di un aksidente. Esaki na momentu ku 3 diferente siklista a dal den otro, unda Shanayah a resultá na suela, pero finalmente a logra akumulá su puntonan, riba su ruta pa weganan Olímpiko 2020 na Hapon.

Pues e interesnan ta haltu pa e evento di BMX, durante di e fin di siman benidero, riba nos isla.