Tiroteo registrá den universidat na Utah ta laga saldo di un morto

154
Outoridatnan a indiká ku e víktima i e sospechoso aparentemente tabatin un relashon.
ESTADOS UNIDOS – Un studiante a fayesé den un tiroteo ku tabatin den e universidat di Utah, segun outoridatnan a duna di konosé.

E studiante, kende no a keda identifiká, aparentemente tabatin un diskushon ku un hòmber di koló, seguidamente por a skucha algun zonido di bala i e muhé a keda hañá sin ta duna señal di bida den un vehíkulo. Esaki segun informashonnan duná den un konferensia di prensa pa e kabesante polisial di e zona.
Vários agentenan di polis ta buskando e sospechoso.
Segun a indiká, outoridatnan no ta kere ku ta eksistí un menasa aktivo pa e universidat i esaki su studiantenan.
E kampus mes a keda será despues di keda kontrolá. e sospechoso a keda identifiká komo Melvin Rowland, di 37 aña di edat i di 1.90 meter di altura i masoménos 113 kilo di peso.
Mas aleu outoridatnan a indiká ku segun e informashonnan ku nan a risibí, tantu e hòmber ku ta keda buská komo e muhé víktima den e kaso aki lo tin un relashoná ku otro. Pero esaki nan no a sigui duna mas detaye den e kaso en kuestion aki.
E tiroteo a tuma lugá na alrededor di 9or di djaluna anochi i investigashonnan den e kaso aki ta kontinuá.