‘Bomba’ Cijntje di petishon bida largu pa hòmber liber

1037
Cijntje liber di tur akusashon.
WILLEMSTAD,— Korte den promé instansia a dikta sentensia den e kaso tripel asesinato Campo, unda 4 sospechoso a presentá pa skucha sentensia.

Ta trata aki di un kaso unda mester a tira e víktimanan riba sitio di stashoná di Campo Alegre, unda tur 3 a muri na e sitio a konsekuensia di e tirunan.Tabata 24 di yüli di aña 2016 ku mester a dirigí unidatnan polisial pa e sitio, kual a bin haña e víktimanan  ‘Pulung’ Rosa, Richinel Emerencia i Cristen Leonard ku a pèrdè nan bida a konsekuensia di e tirunan ku nan a risibí for di 2 diferente arma di kandela.

Tabata un kaso ku a dura 2 aña pa keda tratá ,unda Ministerio Públiko tabata konvensí ku lo kastigá e hòmbernan aki a base di deklarashon di algun testigu. Den e kaso aki tabatin testigunan Bonifacio miéntras tambe Addison Diaz a deklará ku un testigu menasá bou di e kodiko H41.

Reyno ‘Bomba’ Cijntje a ninga for di inisio di e kaso di ta involukrá, unda el a asta duna un splikashon dikon segun e lo a kita bida di Rosa. El a splika ku Rosa mester a tira na Sokoro, miéntras tambe el a trese dilanti ku e víktima mester a kita bida di algun hende na Koraal Tabak.

El a bisa ku Mark B. mester a dun’é un splikashon unda for di esaki el a traha su pùzel, ku ta pa motibu aki a kita bida di Rosa. El a ninga di ta na kabes di Army unda el a bisa ku e no por ta na kabes di un gèng i ta bai fiesta i bai Fuikdag. Mas aleu el a splika ku e ta inosente den e kaso unda el a bisa e ta gana su pan riba bèt, miéntras tambe el a bisa ku esaki el a yega na algun outo di hür.

Fiskal mr. van der Vliet na su turno a deklará ku e ta  haña Cijntje kulpabel, ounke no a logra haña su DNA riba e kashi bala ku a keda atras na e sitio di stashoná. El a bisa ku deklarashon di testigunan H41, Diaz i Bonifacio ta sufisiente pa kastig’é unda el a pidi bida largu pa Cijntje. Ayera wes a bisa ku no por konfia deklarashon di niun di e testigunan mirando ku nan no tabata konsistente.

El a deklará Cijntje liber miéntras despues di su sentensia tabatin basta emoshon.