Hóben di 15 aña ta konfesá di a mata i dera su propio mama

56
Tur tres hóben a keda detené den e kaso aki.

ESTADOS UNIDOS – Un hóben di 15 aña di edat a konfesá na outoridatnan di e kondado di Volusia, na kosta ost di Florida, di a strangulá su mama di 46 aña di edat despues di un diskushon pa su mal komportashon i prestashon na skol. Esaki seguidamente a dera e kurpa sin bida di su mama na un sitio den serkania.

Segun e bosero polisial, a hóben a keda identifiká komo Gregory Ramos. Esaki ta un di e tres sosiopatnan di mas grandi ku kua outoridatnan a yega di topa.

Ramos, akusá di asesinato di promé grado pa morto den oranan di djabièrnè siman pasá di su mes mama, Gail Cleavenger, ta permanesé te ainda detené den un sentro di kustodio hubenil.

Den oranan di djadumingu último, Ramos i otro dos akusado, Dylan Ceglarek i Brain Porras, ámbos di 17 aña di edat, a presentá dilanti un wes i a indiká ku esaki nan lo keda detené pero na kas, akusá di kargonan kriminal.

Segun el a konfesá na outoridatnan, el a intentá strangulá su mama serka di mei anochi di djabièrnè tras di lomba. Esaki despues di un diskushon den kua e mama a reklamá su mal puntuashonnan di skol.

Inkluso a indiká ku despues di a ataká e mama, e hóben a sali bai for di kas, pero na momentu ku el a nota ku esaki ainda ta na bida, el a regresá bèk pa asina terminá di strangulé.

E tres amigunan a dirigí nan mes despues pa un zona den kampo, unda tin un lugá pa asina dera e kurpa sin bida di su mama.