Karavana di migrantenan ta yega Ciudad de México

50
Grupo di personanan ku a yega México.

CIUDAD DE MEXICO – Algun shen migrante di un karavana ku a sali for di sentro Amérika mas di tres siman pasá, a yega e kapital di México, Ciudad de México.

Nasheili Ramirez, titular di e komishon di derechinan humano di e siudat, a indiká ku mas di 500 migrante a yega na e stadion di Jesus Martinez, ubiká na ost di e kapital. Aki ta unda nan a haña kuminda kayente i algun klechi pa asina por pasa anochi.

Outoridatnan kapitalino ta prepará pa risibí asta 5 mil migrante den e stadion, kua tin kapasidat pa albergá mas di 6 mil persona. Ramirez a agregá ademas ku e migrantenan lo por keda kuantu tempu ku ta nesesario.

Miéntras tantu, otro grupo d imigrante sentro amerikano a reanudá nan marcha den oranan di ayera, direkshon e kapital di México pa asina reuní ku vários ku ya a yega na e sitio i ku e speransa di haña un forma di drenta na frontera ku Estádos Unídos.

Den un salto basta ambisioso for di e siudat di Córdoba, unda hopi a pasa anochi. E kapital ta situá na kasi 300 meter, na un gran distansia for di e sitio di e kaminatanan.

Na inisio di esaki, unda a sali direkshon Ciudad de México, no tabata nada fásil. E migrantenan a blòkia kayanan basta drùk pa asina roga shofùrnan di trùk pa duna nan un left. Esaki nan niun no a aseptá e petishon.

Entre e grupo aki tin un muhé di 42 aña di edat, kende a sera su lugá di internet na Villanueva, Guatemala, despues ku un gèng a kuminsá ekstorshon’é, hòrta su klientenan i bai ku su kòmpiuternan.

E sekretaria di gobernashon a kalkulá den fin di siman tras di lomba, ku tin mas di 5 mil migrante pasando den México den diferente karavananan òf gruponan chikí. E ofisina di gobièrnu mehikano a indiká ku 2.793 migrante a solisitá refugio na México den e último simannan i mei miar a pidi yudansa pa regresá bèk na nan pais di orígen.