McGregor a hasi mofa di Mayweather pa bringa den MMA ku Nasukawa

51
Fot Floyd: Floyd Mayweather a sorprendé mundu kompletu despues di konfirmá su inkurshon den Arte Marsial Mixto (MMA) pa bringa Tenshin Nasukawa. McGgregor a kompará nan pelea ku "Chris Tucker vs Jackie Chan (L)".
 SAITAMA,  – Floyd Mayweather na komienso di e siman aki a sorprendé mundu kompletu despues di konfirmá su inkurshon den  Arte Marsial Mixto (MMA), pero no presisamente  pa enfrentá  Conor McGgregor manera tur hende tabata sperando.

“ Money Man” lo midi forsa kontra di Tenshin Nasukawa dia 31 di desèmber próksimo na Saitama.

Kontra dje anunsio ariba aki e polémiko   “The Notorius”  a probechá  pa hasi bofon di eks bòksdó ku un tempu tabata  liber pa liber mihó di mundu ku un publikashon riba su Instagram, porsierto na unda e la krítika e bistimentu dje norteamerikano i tambe laga insultonan atras.

“Ta unifòrm di un banda òf un bisti di sauna bo tin”, asina McGregor a skibi riba su post  referiendo na Mayweather.”Bo ta algu ku no ta sirbi”, asina McGregor a sigui komentá den direkshon dje merikano.Tambe e la baha riba e hapones, porsierto di kende a la kompará ku e famoso aktor di orígen chino Jackie Chan.

McGregor a kompara e pelea dje dosnan ariba menshoná ku  “Chris Tucker vs Jackie Chan” den un forma chistoso. Porsierto dos artista ku a traha den vários pelíkula huntu ku otro.Mayweather i Nasukawa lo bringa otro na fin di aña den e suidat hapones den un evento organisadó pa  Rizin Fight Federation, porsierto pelea ku ainda no a anunsiá e reglanan ku lo bai keda usa, tampoko e modalidat òf e tipo di glupsnan ku lo bai keda usa den e pelea.