Polis ta desmantelá komunikashon seyá di kriminalnan; mas di 100 sospechoso

60
polis ta duna presentashon kon ‘cryptofoon’ ta funshoná
AMSTERDAM—Polis a desmantelá un servisio di mensahe seyá (cryptofoon) kaminda kriminalnan tabata papia ku otro sin por keda interseptá.

Reshèrshinan por a mira live den e servisio. Danki na 265.000 mensahe por a detené un kantidat grandi di persona segun polis i Ministerio Públiko. Total tin mas di 100 sospechoso ku polis tin pista di dje pero ku no a keda detené ainda. Awor ta duna informashon di e desmantelashon pasobra kriminalnan a kuminsa deskonfia di otro. Esaki por kondusí na represya segun polis. Tres hende a keda detené pa preparashon di e akshon di represaya. Ta trata di un hòmber di 31 aña di Almelo i dos di Enschede di 23 i 33 aña. A haña informashon ku e posibel likidashon relashoná ku represaya tabata asina leu ku no tabata responsabel mas  segun polis. Kier a mustra e kriminalnan ku nan no a traishoná otro pero ku polis tabata wak riba nan skouder. Den e akshon di polis a haña tambe laboratorionan di xtc, armanan, plaka, softdrugs i harddrugs. Por usa e mensahenan den investigashonnan ku ta kana. E servisio chat di IronChat ta usa telefònnan spesial ku tin funshon di chat só. E tabatin e nòmber IronPhone. E doño di e telefònnan, un komersiante di Lingewaard a keda detené. E ta den detenshon preventivo meskos ku su sosio di Boxtel.