Tres militar ta pèrdè nan bida den konfrontashon na frontera ku Colombia

40
Na un promé instante a informá di kuater víktima mortal, pero e sifra tabata tres.

CARACAS – E minister di Defensa di Venezuela, Vladimir Padrino Lopez, a aklará den oranan di djaluna último ku tabata tres i no kuater, manera a keda informá pa medionan di e pais, e kantidat di militarnan ku a pèrdè nan bida despues di keda ataká pa un grupo di paramilitar na e estado di Amazonas. Aki ta unda ta realisá un operashon di kontrol i frontera.

Esaki a sigui indiká ku Forsa Armá Nashonal Bolivariano a disidí kobardemente di ataká e gruponan violento kousando lamentablemente tres morto i un desena di persona heridá. Entre esnan heridá tin tambe dos ofisial.

Mas trempan, medionan di komunikashon di e pais a sigurá ku tabata kuater militar kendenan a pèrdè nan bida den un konfrontashon despues ku gruponan iregular a ataká nan.

E minister, kende a ofresé informashon di e suseso serka di mei anochi, a señalá ku e morto di e militarnan ta un represaya pa e kaptura di nuebe paramilitar kolombiano, kende nan a keda hañá ku arma di guera i konsekuentemente a keda poné na òrdu di Ministerio Públiko.

Padrino Lopez a pronóstiko hustisia pa e suseso aki i a ekspresá solidaridat na famia di e sòldá víktimanan.

Den otro mensahe, esaki a sigurá ku Venezuela ta víktima di mas di 60 aña di un guera na Colombia, pais ku no a logra garantisá e pas den su teritorio.

Algun opositor ya a pronunsiá relashoná ku e suseso, manera entre otro e Partido Primero Husticia, den kua ta militá e dos biaha kandidato pa presidensia, Henrique Capriles, pa asina rechasá e echo aki.