Balioso empate di Ajax na Lisboa

33
Fot onana: E kiper di Ajax, Onana, grandi un biaha mas mei mei dje tres latanan pa mantené su ekipo invikto den Champions League.

 

AMSTERDAM,  – E ekipo di Ajax ta mantené su imbatibilidat (invikto) pa loke ta e fase di grupo den  Champions League, despues di empatá 1-1 den Stadion   Da Luz den un enkuentro intenso i digno na e ophetivonan dje wega.

E ekipo di  Benfica tabatin mester di e viktoria pa mantené su mes bibu den e kompetishon, i netamente pa motibu aki e plantel di  Rui Vitoria for di inisio a pone preshon riba  e ekipo di Amsterdam, na unda nan a haña vários oportunidat di gol.  

E ekipo portugues despues di pone hopi preshon ta bai dilanti na di 28 minüt dje partido pa medio di Jonas. Miéntras djis un ratu despues e ekipo di Ajax ta empatá via di Tadic.

Mester remarka ku un biaha mas e kiper dje ekipo di Amsterdam, Onana, a hunga tremendo partido na unda asta den e último hungada dje partido e la salba un gol kanta dje ekipo portugues, ku su pia den un tremendo refleho.  

Kosnan Importante dje Partido:

Benfica: Vlachodimos, André Almeida, Rúben Dias, Jardel, Grimaldo; Gedson (Pizzi, 75′), Fejsa, Gabriel; Salvio (Rafa Silva, 49′), Jonas (Seferovic, 55′) i Cervi.

Ajax: Onana, Mazroui, de Ligt, Blind, Tagliafico; de Jong Wöber, 85), Schone, Van de Beek; Neres (Dolberg, 74), Tadic i Ziyec.

Golnan: 1-0 M.28 Jonas. 1-1 M. Tadic.

Refri: Rocchi G. (Italia). TA: Jonas, Fejsa, Jardel /Tagliafico, de Ligt, Van de Beek i Tadic

Insidensianan: Stadion Da Luz dilanti di 65.600 fanátiko.