Fundashon JAG ta sigui ku inovashon pa Hóben nan di Kòrsou

61
E ta trahando hopi duru pa e temporada 2019.

WILLEMSTAD,—-Despues di un Eksitoso Inskripshon di Tumba Hubenil estilo di Tumba di Hende Grandi, kaminda e hóben nan a bai inskribí na manera nan kreativo riba bròmer, baiskel, i den wabi. Awor Fundashon J.A.G. huntu ku Fundashon Alelimo ku ta unu di e pianan di Fundashon J.A.G. ku ta hasi e parti di Tumba Hubenil ta bini ku “Pre selekshon tumba Hubenil”.

Meskos ku na Tumba Grandi tin e promé, di dos i di tres  anochi di tumba, awèl Fundashon J.A.G. huntu ku Fundashon Alelimo ta bai trese e promé i di dos dia di Pre Selekshon ofisial di Partisipante nan pa Festival di Tumba Hubenil, kual lo bai tuma lugá dia 11 i 12 di novèmber 2018  próksimo den Because Entertainment Center, pa asina selekshoná e 15 partisipante nan ku ta bai pa e final di Tumba Hubenil 2019.

Nan lo interpretá tumba nan eksistente di aña nan 70 i 80, di kual Junior All Star a reskatá den un bachi nobo ku areglo nobo bou di enkargo di Gedion Chandler. Kòrsou kompletu ta invitá pa ban sostené nos futuro tumbero nan grandi, hóben nan ku yen di talento i kurashi. Djasabra e kos ta kuminsá for di 5 or di atardi i  ta kaba 8 or di anochi, anto djadumingu e ta kuminsá 4 or pa 8 or di anochi

E mucha nan ku ta bai presentá ta; Aalijah Heyliger, Brithney Augusta, Chariluska Fransisca, Charlson Mercelina, Chrysandher Leonora,Cynarah Hart , Darlisha Valks, Errol Coredero Reyes , Genesis Martina, Judrien Torbed , Lisanne Thomasia, Marweny Mathew,Naemy Kirindongo,Quegenah Dorand, Quincy Gregorius, Raynisha Decaster, Shentily Zimmerman, T’kayley Polonius, Tyrese Candelaria , Xiandrah Statia i Zouk’aino Jacobs. Éksito ta bai na tur e 21 partisipante riba ámbos dia.