Gabinete kier kobra 22 bion di evashon di belasting

59
Snel: 15.000 kompania estilo offshore den Hulanda ku un kapital di 4500 bion euro
DEN HAAG—Den siguiente lunanan gabinete ta kere ku por kobra 22 bion euro ku no a keda paga na belasting.

Den akuerdo di gobernashon ta stipulá ku e asina yama belasting di fuente lo keda introdusí riba interes i royalty ku ta bai pa paisnan ku belasting hopi abou. Ministerio di Finansa alga hasi un investigashon ekonómiko kuantu plaka ta keda sin paga na belasting via kompanianan estilo brievenbus. Segun investigashon un kantidat di 199 bion euro di dividendo, interes i royalty a sali for di Hulanda pa eksterior den 2016. Gran parti, 177 bion, a bai pa paisnan ku un tarifa di belastin normal manera paisnan den Union Oropeo i Merka. Sobra 22 bion a bai pa paisnan ku un tarifa di belasting hopi abou i esaki sekretario di estado Snel ta haña no deseabel. Kompanianan ku tin balor agregá pa ekonomia hulandes ta bon bini na Hulanda pero e pais no por keda usa pa manda plaka pa paraisonan fiskal segun Snel. Segun e investigashon tin un kantidat di 15.000 kompania estilo offshore den Hulanda ku un kapital di 4500 bion euro. Gabinete lo instroduí un ‘bronbelasting’ riba interes i royalty entrante 2021 pa kombati evashon di belasting.