Komersiante mester duna prueba ku plaka ta legal

50
munisipio Amsterdam a haña rason i por ninga permit na establesimentunan
AMSTERDAM—Komersiantenan mester demostrá ku e prosedensia di nan invershonnan no ta plaka kriminal.

Munisipio di Amsterdam a haña rason den korte sivil den e kaso. Den pasado ta ninga un permit te ora munisipio por a probá ku e plaka ta ilegal. Resientemente a ninga permit pa un restorant na Sloterplas i un restorant sirio mester a sera su portanan. E doñonan di e establesimentunan no por a proba sufisiente di unda e plaka di invershon a sali segun e munisipio. Hues a bai di akuerdo ku munisipio ku esun ku ta pidi permit mester demostrá ku e plaka ta bonafide. Di e manera aki munisipio ta haña un medio fuerte pa por ninga kompanianan akseso na horeka den Amsterdam si tin duda. Si e finansas di e kompania no ta transparente munisipio no ta trata e kaso i no por start operashon. Den kaso di e restorant sirio tin menasa di bankarota. E Sistema nobo a keda diseñá pa e team Organized Crime Field Lab. Bou di guia di universidatnan Harvard i Tilburg ta lanta e team den henter pais.