Lakers a ofisialisá e kontratashon di Tyson Chandler

28
Fot tyson: Tyson Chandler for di awe ta hungadó ofisial di Los Angeles Lakers despues ku e la sali for di waivers i kumpra su kontrakt for di Phoenix Suns.
 

 

LOS ANGELES,  – E senter, Tyson Chandler, a firma ku ekipo di  Los Angeles Lakers despues ku e la sali for di waivers pa kumpra su kontrakt for di  Phoenix Suns, asina e  gerente general dje ekipo Rob Pelinka a duna di konosé.

E kontrakt nobo di Chandler lo bai pag’é un suma di  $2,109,867 esaki di akuerdo ku  Bobby Marks di ESPN, ku un impakto di  $1,333,140 pa ekipo di Lakers den su tòp salarial.

Chandler a akordá pa kita  $2.1 mion di su salario pa $13.6 mion ku e tabatin na Phoenix, i ta eligibel pa un kambio dia 6 di febrüari próksimo di kua ta un dia promé ku konkluí e periodo di kontratashon.

Chandler  ta keda konsiderá komo un dje lider veteranonan den  NBA di kua ta algu nesesario ku e gran hubentut den e kamerin di Lakers.

 

For di siman pasá nos a avisábu ku e gigante senter  Tyson Chandler ta hungando ku e idea pa firma un kontrakt ku Los Angeles Lakers, asina fuentenan dje liga di NBA a indiká den un komunikando.

Chandler di 36 aña lo mester bira e suplente dje senter titular JaVale McGee den e ekipo di  Lakers, porsierto ku ta desesperá pa un inyekshon di tamaño (haltura) i rebound nan defensivo den nan aliniashon.

Chandler ku a nanse  Los Ángeles ta ansioso  pa haña un kas nobo despues ku ekipo di Suns a hasi un rekonstrukshon.

E senter ta den su temporada number  18 for di despues ku e la keda di  Draft den NBA dirèkt for di “high School” na 2001.

Su produktividat a baha den último resiente aktividatnan.  E tabatin un promedio  6.5 punto i 9.1 rebound den  46 wega komo titular ku ekipo di Suns, pa loke tabata e kampaña 2017-18.