Obraily Joseph ta bèk den Classic XD

44
E ta bèk na kas despues di algun aña.
WILLEMSTAD,—-For di djabièrnè tras di lomba ‘E Mulina’, a haña informashon ku tin un moveshon straño ta tumando lugá den seno di agrupashon musikal Classic XD. Nos a laga djasabra pasa paso nos tabata sa ku e banda ariba menshoná tabatin un presentashon na Dia di Banda Riba djadumingu tras di lomba.

Esaki a pone ku nos a bai slùip e presentashon di Classic XD djadumingu último, pa nos wak ku nos mes un wowo di e informashon ku a drenta serka nos. T’asina ku na momentu ku e banda tabata presentá nos a mira un otro kara riba Keyboard.

Mes ora nos a hala mas serka pa asina nos wak ta ken ta riba Keyboard pa e banda Classic XD. Mas serka nos a yega nos a tuma nota ku ta Obraily Joseph ta riba Keyboard. T’asina ku Obraily ya den pasado tabata forma parti di Classic, esei tabata mas o ménos dos aña i mei tras di lomba.

Esaki ta nifiká ku Obraily ta bèk na kas, kaminda ku e la forma parti di Classic pa algun aña. Pa sa mas sigur ku ta drenta Obraily a drenta den Classic òf ta un djòp e la bai kue ku e banda, nos a drenta den kontakto ku un di e kabesante nan di e banda, mester bisa ku e kabesante di e banda a konfirmá na ‘E Mulina’, ku Obraily Joseph ta bèk na kas despues di dos aña i mei. ‘E Mulina’, ta deseá Obraily tur klase di éksito awor ku e ta bèk den Classic XD.