OM: miembronan di famia detené pa labamentu di plaka

55
4 miembro famia detené pa laba miones
AMSTERDAM—Djamars outoridatnan polisial a detené 4 miembro di un famia riba sospecho di labamentu di plaka na Amsterdam.

Den e investigashon di parket a detené un hòmber di 60 aña, un tata (64), mama, dos yu di 23 i 27 aña. Den nan kas a haña tambe un arma di kandela. Un team di unidat nashonal di polis tabata investigá e famia pa basta tempu. E tata di famia a keda detené den 2013 kaba despues ku a haña alrededor di mei mion euro kesh den su kas. E tempu ei el a distansiá di e plaka i paga un but. Den verano e aña aki a detené e yu hòmber (23) ku mei mion euro den su outo. E yu tabata traha riba instrukshon di e tata. A konfiská tantu e outo komo e plaka. Banda di e detenshonnan a tene entrada den dos kas, i un negoshi den Amsterdam. A konfiská e kas, tres outo, un motor i un skuter di sospechosonan pendiente ekspropiashon. E famia ta keda sospechá di a laba sumanan kuantioso di aktividatnan criminal. Tata I yu hòmber ta keda presentá na hues komisario djabièrne. Si ta presentá e mama i yu muhé (27) na hues komisario ta dependé di e investigashon.