Pero tin negoshashon ta tumando lugá entre Rich i Archel

103
Tin algun ta kushina den kushina di GENTZ.
WILLEMSTAD,—-Ketu bai tin moveshon nan ta tumando lugá den nos farándula lokal. Di informashon ku a drenta na mesa di redakshon di ‘E Mulina’, ta bisa ku tin kos nan ta pasando rondó di e kantante Rich Pieter i gerente di agrupashon musikal GENTZ TRE’CHIC ku ta Archel Calister.

T’asina ku siman pasa djaweps, e banda GENTZ a sali pa Hulanda, kaminda ku djasabra nan a presentá den un fiesta den kombinashon ku agrupashon musikal Cache Royale. Mester bisa ku riba e mes un vuelo ku e músiko nan di GENTZ a bai Hulanda, e kantante Rich Pieter tambe tabata.

Nos a haña informashon ku durante di e vuelo tabatin kombersashon entre Rich i e RoadManager di GENTZ TRE’CHIC ku ta Cesar Rodriguez. Mas álue nos a haña informashon for di nos fuente ku e kombersashon a sigui tuma lugá na Hulanda entre gerente di GENTZ i e kantante ku ta Rich Pieter.

Nos fuente a bisa nos ku, no tin duda ku e kombersashon enter e dos persona nan en kuestion, tin aber ku e agrupashon musikal GENTZ, esaki ta mirando ku Archel Calister ta en buska di un kantante pa su agrupashon musikal. Nos a trata di drenta den kontakto ku ámbos persona, pero sin resultado deseá, paso nos tabata lat ku esaki. Na momentu ku nos a risibí e informashon.