Quinton Martina ku representashon na Mister Supranational 2018

29
E ta 100% kla pa dia 24 di novèmber 2018.

WILLEMSTAD,—-E hóben modelo Quinton Martina  lo salí dia 24 novèmber próksimo,  riba vuelo pa Hulanda pa despues sigui pa bai Polen pa representá Kòrsou den e konkurso di Mister Supranational 2018. I pa asina laga Kòrsou su nòmber resoná un biaha mas den eksterior. Quinton Martina no ta deskonosí den e mundu di modelahe.

Quinton a representá Kòrsou na 2014 na Boca Chica, Repúblika Dominikana,  den Mister Super Model International kual e la bai ku título máksimo i na 2016 e la representá Kòrsou na Men Universe Model, kual e la sali den tòp 10.

Tambe Quinton a yega di hasi vários trabou i modelahe Internashonal. Despues di esaki nos por a tuma nota ku tras kortina e ta duna charla i train diferente modelo ku aserk’é na Kòrsou. Nos por bisa tambe ku pa dos aña e ta e motor tras di Men Universe Kòrsou kual e aña aki Kòrsou a logra gana título máksimo den Men Universe Model, ku representashon di e modelo maskulino Anthony Clarinda.

Pues ku esaki por bisa Kòrsou lo bai ta hopi bon representá i nos sa ku Quinton lo hasi su máksimo esfuerso  pa bin ku premio kas. Esaki ta nifiká ku dia 24 di novèmber Kòrsou su nòmber lo bai zona un biaha mas te na Polen.