Aruba lo enfrentá Montserrat na Kòrsou

89
E selekshon di futbòl di Aruba.
WILLEMSTAD—Tereno di bala den Stadion Ergilio Hato na Brievengat, lo bai ta esenario pa e wega unda e selekshon di futbòl di nos hermana isla Aruba, lo hunga na kas, kontra Montserrat.

Esaki lo bira ámbos ekipo su terser kompromiso, den e kompetensia di Concacaf Nations League. Ta trata aki di enkuentro, programá pa mira akshon otro siman, djabièrnè dia 16 novèmber 2018, inisiando 8’or di anochi, unda fanatikonan di e deporte rei futbòl na Kòrsou, por presensiá e enkuentro aki, unda Aruba pa di dos biaha ta hunga na Kòrsou.