E 3 peloteronan a regresá for di tryout ku Cleveland

203
E 3 peloteronan ku tabata na Republika Dominikana.
WILLEMSTAD—E 3 hóben peloteronan, gran prospekto pa loke ta beisbòl, a regresá kas  for di Repúblika Dominikana. Un ke otro despues ku nan a hasi un tryout di 3 dia, ku e organisashon di Cleveland Indians, despues di a biaha djadumingu último.

Ta trata aki di e miembro di e organisashon di Sta Rosa, Yevganni Reinita, kende ta hunga na segunda i tambe den shòrtstòp.

Donovan Antonia, kende ta kècher i tambe por hunga den outfield i ta ku e ekipo di Trai Seru den beisbòl lokal tambe a hasi e biahe, miéntras ku e otro ta Jamal Zalm di Van Engelen, kende ta un shòrtstòp i por hunga na segunda i tambe por picha.

E trio talentoso aki, tabata parti di e selekshon nashonal, ku e aña aki a bira kampion mundial. Na Repúblika Dominikana, nan a laga un bon impreshon atras, unda tur tabata kompañá pa nan tata.

Tabata sigur un biahe, unda ku tambe tur e hóbennan a siña hopi di nan deporte preferí.