Boneiru a reforsá ku futbolistanan for di eksterior

131
Selekshon di futbòl di Boneiru.
BONEIRU—Despues di basta insistensia i gritunan pa reforsá e selekshon  nashonal, finalmente dirigentenan di FFB, a bai di akuerdo, pa 3 refuerso for di eksterior pa nan ekipo nashonal di futbòl.

Ta trata aki di 3 diferente futbolista, kende Leroy van Dongen, ya ta ku e ekipo, miéntras ku durante di e próksimo dianan, Rai Cicilia i tambe Guillermo Montero, lo yega Boneiru for di Oropa, pa asina djòin e ekipo, den preparashonnan ku tin pa nan próksimo kompromiso den Nations League. Esaki unda nan lo topa ku Birgin Island, dia 16 proksimo, hungando komo ekipo bishitante.

Miéntras tantu den e kuerpo tékniko di selekshon tambe tin kambio. Esaki awor unda tin un trio formá pa un tékniko argentino, kende ta Emmanuel Cristori, ku ta konta ku asistensia di un hulandes oropeo i e konosido Alsy Anthony ta enkargá ku e kipernan. Gilberto Alberto ta e teammanager.

Pues ‘Obi’ Winklaar i Danilo Trinidad no ta mas na timon di e selekshon boneriano.