Welvaart: “den ménos di 2 minüt mi tabata trapá trapá ku sangura

Courtyard Marriott no por bini sin saka sanguranan fo’i “Tam”

511
Sushi: awa sushi di kloaka ta kreando brote di sangura.
Rif—Miéntras Kòrsou i parlamento ta diskutí riba desaroyo di Rif, sanguranan ta sigui brui manera zamuro den e mondi di Mangrof, den mesun área di diskushon. Ta trata di e Palunan di Mangel, konosí den área di Rif  komo, “Den Tam”.

 

Fotógrafo di Vigilante Umpie Welvaart ayera a bai saka algun imáhen den “Tam” i lokual el a mira no tabata nada bunita. Aparte di tin un laguna di awa sushi i di kloaka, tin un brote infinito di sangura ta tumando lugá. Ademas tambe e awa den Tam tabata sushi i ta manda mal holó. Mas paden bo kana bai den e mondi mas awa sushi ta haña i mas e sanguranan ta bira. Entretantu ta konosí ku promotornan ta trahando duru pa start konstrukshon di Courtyard Marriott riba e pida tereno banda lugá si stashoná vehíkulo na SVB. E hotel ta bini serka di “Tam” lokual no ta bon idea pa ni start ku konstrukshon einan te na momento solushoná e problema dje sanguranan i kontaminashon den “Tam”. Un kos ta sigur, si no drecha Tam su tipo, turistanan lo no keda mas di un anochi den Courtyard Marriott.