Coutinho lo ta afó entre dos a tres siman pa leshon

48
Fot phillipe: E hungadó brasileño di Barcelona, Philippe Coutinho (L), a sufri un leshon na su “bisèps femoral”. E brazilero ta un di QMsports su hungadónan faborito den Barca.
 

BARCELONA,  – E hungadó brasileño di Barcelona, Philippe Coutinho, a sufri un leshon na su  “bisèps femoral” (spierverrekking bèl patras) na su pia robes i  lo ta entre dos a tres siman afó, esaki ta loke a keda informá djaweps pa e propio ekipo azulgrana den un komunikado.

E futbolista ku ta fiho den e skema di wega dje mister,  Ernesto Valverde, a keda someté djaweps na pruebanan médiko di kua a determiná e tal grado di e leshon.

Di manera aki  Coutinho lo pèrdè e partido di djadumingu próksimo den  LaLiga Santander kontra di  Betis, miéntras ku e lo ta duda pa e partido  di  24 di novèmber próksimo den  Wanda Metropolitano kontra  Atlético Madrid, porsierto ku ta un choke ku lo bai keda disputa despues di e paro ku selekshonnan ta enfrentá otro (Fecha FIFA).