E sifra di muhénan elegí ta kibra rèkòrt na Estádos Unídos

46
A pidi un rekuento di voto na Florida.

ESTADOS UNIDOS – E elekshonnan a terminá i a produsí resultadonan kurioso manera e elekshon di Ilhan Omar, muhé demókrata di 36 aña di edat ku a kombertí su mes den e promé muhé musulman elegí na Minnesota. Ademas a registrá otro hazaña femenino, Alexandria Ocasio, puertorikeño di 29 aña ku a yega na legislatura federal.

Inkluso a indiká ku tin un sifra rèkòrt di hende muhénan elegí komo representante. E balanse di elekshonnan ta indiká ku 89 hende muhé a gana, kibrando e rèkòrt anterior di 84.

Ademas a yama hopi atenshon ku Greg Pence, e ruman hòmber di e visepresidente di Estádos Unídos, Mike Pence, a keda elegí komo representante di e distrito 6 di Indiana. Esaki miéntras ku Colorado a elegí su promé gobernador homoseksual, Jared Polis.

Esaki miéntras ku na Florida, Bill Nelson a pidi un rekuento ofisial debí na e diferensia asina grandi di voto, di 34.500.

E último registro ofisial di Divishon di Elekshon di Florida ta mustra diferensia di 0.42 punto na fabor di Scott, gobernador skohé na Florida, kende tin 50.21 porshento mas di 8.1 mion di votadó.

Tur esaki despues ku e anochi elekshon di djamars último, na Florida, a terminá den oranan di mei anochi ku un diskurso di tono viktorioso di Scott, un aliado di presidente Donald Trump.