FC RO Family ta gana Excellent 3-1

46

WILLEMSTAD—E promé wega di e seri di 2, den promoshon/degradashon di Curfutsal a mira akshon ayera nochi riba kancha di e sala deportivo, Niels Liberia, den Stadion Odulio Willems, na Suffisant.

Esaki ora ku e sotaneronan di divishon máksimo, FC RO Family, a derotá e supkampionnan di segundo divishon, Excellent, ku skor di 3-1. Un ke otro despues di tabata atras den e wega i ta reakshoná pa bai ku e triunfo.

Raylon Eugenio, Romerson Winklaar i Sidney Leonora, tabata esnan ku a anotá pa e ekipo ganadó, miéntras ku Rayshenel Justiana a anotá den kousa pèrdí, durante di e lucha den e promé wega pa mira ken ta hunga den divishon di honor, durante di e temporada benidero.

Miéntras tantu e di 2 i último wega den e seri di 2 wega di promoshon/degradashon aki, lo hunga mañan djabièrnè dia 9 novèmber 2018, inisiando pa 8’or anochi, na kancha di sala Niels Liberia, na Suffisant mes.