Kiebro den pakus unda a kue tur kabei i peluka bai kuné

173
Willemstad—- Polis mester a bai na un negoshi riba Dr. Hugenholtszweg pa un kiebro den un negoshi unda a bai ku basta merkansia.

Den oranan di mardugá ladronnan a presentá na un negoshi den e kompleho situá riba Dr. Hugenholtszweg. Promé di a drenta e negoshi a destruí e sistema di alarma i tambe a spùit e kámaranan i a tapa esakinan. Seguidamente hasiendo uso di un blòki basta grandi a destruí e glas pa asina por a drenta den e negoshi.

For di e dama ku ta manehá e negoshi kual tabata sumamente alterá di loke a pasa den e negoshi a bin komprondé ku ta basta merkansia i tambe asesorionan pa dama a kue bai kuné. Por a komprondé ku a bai ku un kantidat di peluka i otro kabeinan. Tambe a bai ku otro asesorionan. E dama ta roga pa esnan ku sa di esun òf esnan ku tin su artíkulo pa bende pa tuma kontakto mas lihé  ku polis na e number 917 ya asina e por haña su artíkulonan bek.