Luis Enrique a baha kabes i konvoka Jordi Alba den selekshon

48
Fot luis: E bondscoach, Luis Enrique, a disidí di yama Jordi Alba den selekshon di Spaña. Tabata difísil di keda tene e linkshaf for di Furia Roja debí na e bon momentu ku e ta pasando aden.

MADRID,  – E bondscoach spañó, Luis Enrique Martínez, djaweps mainta a duna su lista di konvokadonan pa loke ta e próksimo partidonan  dje fecha FIFA na unda e selekshon  mester mira akshon. E selekshon di  Furia Roja lo enfrentá dia 15 di novèmber kontra di Kroasia den  Nations League i 18 di novèmber kontra Bosnia-Herzegovina den partido amistoso. E  gran novedat ta Jordi Alba.

Den ora nan  previo a duna komo e hecho ku e bondscoach  Luis Enrique lo ta bai laga Jordi Alba kai for di selekshon un biaha mas, apesar dje bon momentu ku e linkshaf ta pasando aden den  FC Barcelona.

E lista sinembargo a kaba ku tur spekulashon. Luis Enrique a dal un paso atras i konvoka Jordi Alba finalmente. E hungadó sakrifiká pa e desishon aki a bira Marcos Alonso di kende ta kai for dje konvokatorio.

Medionan algun siman atras a anunsiá ku Luis Enrique a pone un poko di  atenshon na Jordi Alba, i no a deskartá e posibilidat di yam’é bek den selekshon na su debido momentu, hecho di kua a sosodé awor.

 

Esaki ta e konvokatoria di Luis Enrique:

Kipernan: De Gea, Kepa Arrizabalaga, Pau López

Defensanan: Jonny Otto, Azpilicueta, Llorente, Sergio Ramos, Mario Hermoso, Iñigo Martinez, Gayá, Jordi Alba, Sergi Roberto.

Mediokampistanan: Sergio Busquets, Fornals, Brais, Sergi Roberto, Saúl, Ceballos, Rodri.

Delanteronan: Suso, Rodrigo, Iago Aspas, Morata, Isco i Asensio