PAR ku Charla tokante kresementu ekonómiko

68
Willemstad – Djárason dia 14 di novèmber próksimo Partido Alternativa Real (PAR) lo organisá un charla interesante tokante kresementu ekonómiko i trabou adekuá komo instrumento pa desaroyo sostenibel na Kòrsou.

Orador di e anochi lo ta sr. Eugene Rhuggenaath, aktual Minister Presidente di Kòrsou.E charla lo tuma lugá den ouditorio di Biblioteka Públiko i lo kuminsá 7or di anochi i ta kompletamente grátis.

Esaki ta e di sinku charla ku ta keda organisá pa PAR, den kuadro di e selebrashon di su 25 aña di eksistensia 14 di desèmber próksimo. E promé charla tabata na sentro di bario montaña kaminda a para ketu na implementashon di e plan di urgensia. Den e di dos charla a trata e importansia di enseñansa i e di tres charla a trata e energia sostenibel . Luna pasa a tene e di 4 charla tokante importansia di un bon infrastruktura pa desaroyo sostenibel. Huntu ku tur esakinan PAR a organisá dia 22 di sèptèmber último un eksitoso symposio titulá “ the Next 25 years” ku charlanan interesante tokante futuro di Kòrsou riba entre otro áreanan área sosial, edukashon, ekonomia i gobernashon. Meta di e charlanan aki ta pa públiko sera konosí ku e metanan di desaroyo sostenibel di Nashonnan Uni, kual ta base pa e plan di desaroyo di Kòrsou.

Direktiva di PAR pa medio di esaki ta invitá tur esnan ku ta interesá pa bini Biblioteka Públiko djárason otro siman, pa asina partisipá na e enkuentro aki.