Simulashon na Hato ku avion a pega na kandela

95
Willemstad—Ayera den oranan di mainta vianan ku tabata dirigí pa nos aeropuerto a keda sera esaki ta debí na un training ku tabatin riba e plataforma hasiendo komo sifuera ku un avion tabatin problema

Un kantidat di instansha a forma parti na e training aki entre nan Polis, Polis di airport, Brantwer, ambulans i tambe Rode Kruis. A simulá ku un avion a pega na kandela unda un kantidat di pasahero mester a  resultá herida i tambe asta algun ku a fayesé.  A usa un avion MD80 di Insell air pa asina por a simulá e avion ku tabata na kandela. E instanshanan huntu a drenta akshon pa asina reskatá e pasaheronan i tambe duna nan asistensia. Tabata un simulashon ku a dura algun ora ku a hala sigur basta atenshon na Hato.