Tin plan pa bula dr Faries afó trese spesialista “amigu”

Segun Amparo Dos Santos

2307
Punda—Segun e miembro di Parlamento, Amparo Dos Santos, tin un plan di mal intenshon pa trata na saka e spesialista di mucha, dr. Faries afó pa pone un spesialista na su lugá. Esaki ku mal intenshon pa benefisiá “nan” propio amigunan.

Esaki ta lokual Dos Santos a duna di konosé durante un entrevista na Radio MAS. Vigilante a por a komprondé ku un biaha mas ta Inspektor Huurman, ta tras di e intenshon pa skors e spesialista yu di Kòrsou. Esaki ta los for di e deklarashonnan di Dos Santos. Fuentenan den seno di medisina i inspekshon a duna di konosé na Vigilante ku Huurman a konsehá e yu di Kòrsou pa e bai bek Ulanda i pasa den un proseso di renobashon i “upgrade” di su profeshon pa e por bini bek komo spesialista. Manera Vigilante a bini ta apuntando, partido polítiko di Suzanne Camelia Romer, kende su konseheronan a manda buska Huurman bek, ta perdiendo hopi sosten

Kuidou: Camelia Romer por ta koriendo riesgo si sigui duna sosten na Inspektor Huurman. Tin e persepshon ku e ta “jag” tras di médikonan Yu di Kòrsou.

den e mundu médiko. Huurman a pèrdè kredibilidat despues di a protehá un spesialista ulandes den Sehos ku a ehersé mal práktika.  Awor den seno di médikonan yu di Kòrsou, tin un anti patia enorme pa Huurman i kual ta wòrdu tradusí na anti patia pa partido PIN i minister Camelia Romer.