Xaverianen i Stakamahachi ku triunfo

138
Akshon den wega femenino superior.
WILLEMSTAD—E kampiaonto lokal di volibol a kontinua ayera ku 2 wega. Esakinan a hunga simultaniamente, ayera nochi den sala Errol Rooi na Sentro Deportivo Korsou.

Den wega balido pa kategoria maskulino superior, tabata Xaverianen ku ta gana di Green Tigers 3-0, ku sètnan di 25-19, 25-16 i 25-23.

Mientras ku den wega di e kategoria femenino superior, tabata Stakamahachi ku a gana di Watakeli, tambe ku skor di 3-0. E enkuentro aki, a konta ku sètnan ku a finalisá ku skornan di 25-14, 25-20 i 25-19.

E kampionato lo kontinua djadumingu awo, dia 11 november 2018, ku diferente enkuentro ku lo mira akshon den sala Errol Rooi na SDK, inisiando for di 4’or atardi.