Dos ruman detené ku vários arma di kandela

Durante entrada hudisial den kas riba Seru di Kandela

368
Kaya Shilling riba Seru di Kandela unda a bai pa hasi investigashon.
Tur e armanan i tambe mariwana ku a keda hañá na e adrès riba Seru di Kandela.
Willemstad— Durante un entrada hudisial  riba un tereno na seru di kandela a drenta vários kamber unda a bin topa arma nan di kandela i a logra di detené dos ruman hòmber.
E tambe a keda arestá pa poseshon di arma.

Djabièrnè 9 di novèmber 2018, alrededor di 05.40or di mainta, Reshèrshi (VVC), Tim di Mantenshon di Órden Públiko, huntu ku Tim di Aresto riba òrdu di Ministerio Públiko a tene entrada hudisial na un kas den Kaya Shilling en konekshon ku ladronisia di outo i un otro kaso den investigashon.

Durante di e entrada hudisial, a bin topa i konfiská 5 arma di kandela, matanan di mariwana i dos balansa pa pisa droga.

Na e sitio polis a detené e hòmbernan H.D.S. di 19 aña di edat i R.H.S. di 21 aña di edat, ámbos nase na Kòrsou.

Un di e rumannan ku a keda arestá pa tur e arma nan i tambe ladronisia di outo.

A presentá e sospechosonan dilanti di un Fiskal Ouksiliar ku a ordená nan enkarselamentu pendiente di mas investigashon.