Indian Business Association serka Fondo Wilhelmina

222
Punda– Prinses Wilhelmina Fonds ta orguyoso di a risibí di Curaçao Indian Business Association nan kontribushon pa e kolèkt di e aña aki.
Pa vários aña e komunidat indio aki ta koperando ku rekoudashon di fondo. Algun dama boluntario ta aserká empresa i komersiantenan di nan komunidat pa asina na un manera spesial nan kontribuí na e kousa di yuda hendenan ku tin kanser i nan famia.
Fundashon Prinses Wilhelmina Fonds ta kontentu ku e gesto aki i e donashon di muchu mas ku Fl. 20.000. Señor Bhojwani, presidente di e asosiashon, a hasi entrega.