Rigino Cicilia i Suduva kampion na Lithuania

161
Rigino Cicilia.
LITHUANIA—E futbolista YDK, e atakante Rigino Cicilia di 24 aña di edat i su ekipo Suduva, a logra e titulo máksimo di futbòl na Lithuania.

Esaki den e kompetensia di temporada 2017/2018, bálido pa A Lyga. Rigino Cicilia i Suduva a enfrentá e ekipo di Atlantas Klaipeda, den nan último wega i a gana ku goliada ku skor di 6-0 pa asina logra e titulo. Un ke otro, despues ku na sosiegu nan tabata den bentaha mínimo di 1-0. E triunfo aki a nifiká 3 punto, pa asina akumulá 77 punto, despues di realisá 32 wega.

Miéntras tantu ya tur kos ta kla pa e temporada nobo inisiá, unda djadumingu awó, dia 11 novèmber 2018, mes e temporada 2018/2019 lo ranka sali. E ekipo kampion mes tambe lo ta den akshon, tratando na sali ku bon pia den e kompetensia nobo, den intentonan pa nan logra pa mantené nan titulo.