Charlison Benschop a opta pa keda ku su ekipo

102
Rangelo Janga
WILLEMSTAD—E futbolista atakante di nos selekshon nashonal di futbòl i di e ekipo di futbòl FC Ingolstadt, Charlison Benschop, kende ta hunga den Bundesliga 2 na Alemania, a opta pa keda ku su ekipo.

Un ke otro despues di tabata parti di e lista di 23 hungadó ku a keda konvoká pa tékniko Remko Bicentini. Esaki ku bista riba nos próksimo kompromiso den Nations League. Miéntras tantu a konvoká Quinten Martinus, kende ta hunga na Hapon, na lugá di Benschop, kende tabata na banki i no a mira akshon ayera, ora ku su ekipo a empatá 1-1 ku DSC Arminia Bielefeld. Pues Benschop tratando na yega na un puesto den su ekipo, a opta pa keda kas e biaha aki.