Damen kampion den “Asiento Invitational Cup 2018”

96
E ekipo di Damen.
WILLEMSTAD—E ekipo di Damen a logra e titulo máksimo den e torneo di futbòl “Asiento Invitational Cup 2018”, ku a finalisá durante di e fin di siman tras di lomba. Tabata torneo ku a konta ku partisipashon di 6 ekipo repartí den 2 pul di 3 ekipo kada unu.

Esakinan a enfrentá otro, hungando riba 4 fecha den 2 fin di siman. Riba e fecha final tabatin primeramente e wega pa di 3 i 4 puesto, unda Aqualectra ta derotá C-Post, pa seguidamente Damen gana di Refineria Isla i logra e titulo máksimo. E ekipo mas disipliná di torneo a resultá e ekipo di Aqualectra.

Asiento ku a organisá e torneo, por mira atras riba un eksitoso torneo, unda tabatin tremendo ambiente i ta gradisí ekiponan partisipante pa nan koperashon i komportashon.