E brasilero Allan Igor Silva kampion den dam

134
Esnan ku a resultá den premio huntu ku dirigentenan di federashon dam i mandatarionan.
WILLEMSTAD—E brasilero Allan Igor Silva, kende ta 4x kampion Panamerikano, a resultá e ganadó, sigui pa e rusiano, 6x kampion mundial, Alexander Shvartsman i na di terser puesto e hulandes Kees Thijssen 5x kampion na Hulanda, tabata e promé 3 nan den premiashon, despues di e kompetensia internashonal habrí di dam, ku a tuma lugá riba nos isla.

Esaki durante di e siman ku ta tras di lomba, kual a finalisá ayera den oranan di atardi, ku e parti di premiashon den San Marco Hotèl. Tabata e segundo Curaçao Open Challenger, ku a konta ku partisipashon di 44 partisipante, for di 9 diferente pais,  unda Clifton Agatha, Carlos Lorevil i Raoul Alias, tabata e 3 partisipantenan di Kòrsou ku a tèrminá mas haltu, na di respektivamente posishonnan 19, 20 i 21. Sigur un kompetensia di gran nivel, unda nos representantenan a siña hopi.

E  premiashon a tuma lugá den presensia di dirigentenan di dam i mandatarionan lokal, kende a entrega premio- i bunita rekuerdonan.