Kòrsou ta gana den tur kategoria di ‘Caribbean Cup R/C Racing’

188
E diferente ganadonan den e kompetensia.
WILLEMSTAD—Kòrsou a logra gana den tur kategoria di e “Caribbean Cup” den ‘Onroad R/C racing’, ku a tuma lugá na Trinidad and Tobago resientemente.

Esaki unda partisipantenan den representashon di CRCCDA, ‘Curacao Radio Control Cars Drivers Association’, a saka kara di Korsou.

Un ke otro, den kompetensia ku a tuma lugá riba un pista provisorio trahá na e stadion ‘Dwight York’, na Bacolet riba e isla Tobago. Nos representantenan a duna fuerte kompetensia entre e pais anfitrion Trinidad & Tobago i partisipantenan di Jamaica.

Despues di ku un grupo a kaba di presentá na e kampionato mundial di IFMAR na Homestead Florida den e kategoria ‘1/10 TC Gas’, kaminda a kue hopi eksperiensha den e deporte aki, ta sali otro grupo pa representá Korsou den e ‘Caribbean Cup 2018’.

Den kategoria ‘1/10 Touring Cars electric’, Paolo Inocencia di Kòrsou, komo ‘top qualifyer’, ta logra gana e mihó di 3, dor di triunfá den e promé dos finalnan i asina titulá kampion den e kategoria aki sin muchu kontesta di otro kompetidornan.

Na di tres lugá a resultá Winfred Antonia di Kòrsou, ku ounke un poko di mala suerte pasando un kompetidor retrasá ta aksidentá i falta di por a kue e di dos puesto overall.

Na di dos puesto a terminá Mike Clarke di Jamaica.

Den e kategoria 1/10 Touring Cars Gas ta titulá kampion, Hazel Dossantos di Kòrsou, tambe komo ‘top qualifyer’.

Hazel for di den klasifikashon tabata mustra di ta bai ta fuerte huntu ku Marwen Martina di Kòrsou, kende a klasifiká na di dos puesto kontra e hóben di Jamaica Mark Yap.

Den e úniko final ku e kategorianan di ‘Gas’ ta kore, Hazel a logra ranka sali for di inisio di kareda i nunka ta mira atras bèk i kore un kareda sólido i ta titulá kampion riba e dama hamaikino Denise Burton Clarke i na di tres puesto a keda, e hóben tambe hamaikino, kende ta Mark Yap. Si no ta pa hopi mala suerte pa parti di Marwen Martina, lo tabata un bataya fuerte pa e promé puesto den e kategoria aki.

Tur e partisipantenan di Kòrsou ku a forma parti di e delegashon ta hopi agradesido pa kon tur kos a bai i e esfera bou di nan tur.

Kada unu, di nan forma a koperá pa e totalidat tabata fruktífero, Kòrsou ta gana den tur kategoria na e kompetensia aki.