Quincy Hoeve i Yanick Bekman parti di Boneiru su selekshon nashonal

176
DT Emmanuel Cristori.

 

BONEIRU—E argentino Emmanuel Cristori, kende ta enkabesá e kuerpo tékniko di e selekshon nashonal di futbòl di Boneiru, a anunsiá su lista di 20 hungadónan pa nan próksimo kompromiso den Nations League.

Entre e hungadónan konvoká tin un hóben prometedor futbolista di apénas 15 aña di edat, kende ta e atakante Quincy Hoeve i tambe un futbolista YDK, e mediokampista Yanick Bekman. Esaki a keda konvoká despues di a hunga apénas un wega, den futbòl na e isla di flamingo. Yanick den pasado a hunga ku e ekipo barika hel di Kintjan, S.U.B.T. i tambe den Curfutsal ku San Lucas na Kòrsou.

Tabata siman pasá ku e la debutá ku e ekipo di Atlétiko Flamingo, den wega ku e la anotá na un okashon i tabatin un asistensia pa nan gana 3-0. Su aktuashon mesora a habri wowo di dirigentenan i apénas un siman despues, ya e ta parti di e selekshon nashonal boneriano.

Mas aleu Deporte Vigilante a tuma nota ku diferente kara konosí den futbòl na e isla, no a wòrdu konvoká i a kòrta basta den kantidat di miembro di e ekipo kampion.

Entre esnan kende sorpresivamente ta ousente tin entre otro Yurick Seinpaal, Rilove Janga, Igmard Gijsbertha, Marnix Eustacia i tambe Ilfred Piar.

Miéntras ku e 20 hungadónan konvoká ta:

Kipernan

Rishison Frans (Real Rincon)
Jurven Clara (Vespo)

Defensornan

Keano Hunt (Vespo)
Romeo Thomas (Vitesse)
Robert Frans (Real Rincon)
Leroy van Dongen (Hulanda)

Mediokampistanan

Terrance Frans (Real Rincon)
Giovanny Makaai (Atlétiko Flamingo)
Edshel Martha (Atlétiko Flamingo)
Lacey Pauletta (Real Rincon)
Derick Lugo (Estrellas)
Bienvenido Coffie (Uruguay)
Giovanny Janga (Vitesse)
Yanick Bekman (Atlétiko Flamingo)
Sergio Mercera (Atlétiko Flamingo)

Atakantenan

Jermaine Windster (Real Rincon)
Quincy Hoeve (A.T.C.)
Guillermo Montero (Hulanda)                                              Ayrton Cicilia (Real Rincon)
Raí Cicilia (Hulanda)