Aemil Palm ku tremendo demostrashon di téknika

198
Aakshon den e kompetensia di yudo.
WILLEMSTAD—Pa loke ta trata e yudokanan senior, Aemil Palm di Janwe a gana e kategoria lihé, derotando Javy-Ray Ellis, ku tremendo demonstrashon di su téknikanan na suela. Jermar Rodrigues di Tamarijn a gana Oro den e peso medio despues di un fuerte bataya ku Jerickson Vlijtig di The Eagles Judo Team.

Pa loke ta trata e kategoria peso pisá, Yvanleah Maria a sa di gana di Reginald de Windt, despues di un bunita pelea. Ámbos yudoka ta miembro di Janwe Judo Club.

FYK ta satisfecho ku e manera ku e kampionato a kana i ta yama tur ganadó pabien i ta gradisí nan pa nan “Fair Play” i esfuerso i ta gradisí públiko pa nan presensia i e manera positivo ku a apoyá tur yudokanan durante di e kompetensia.