Alrededor di 80 partisipante den kampionato habrí di yudo

248
Algun di e yudokunan mas hoben ku a kompeti.
WILLEMSTAD—Sentro Rekreativo Suffisant, tabata sitio unda ku e kampeonato habrí di yudo, organisá pa Federashon di Yudo Kòrsou (FYK) a tuma lugá. Esaki a konta ku partisipashon di kasi 80 yudoka, den ámbos sekso. E gran públiko ku tabata presente a disfrutá di peleanan. Tur yudoka a duna nan máksimo esfuerso i a hiba batayanan fuerte. Na final di e kompetensia 28 di e yudokanan a resultá kampeon den nan respektivo kategoria.

Mas medaya

Janwe Judo Club a resultá e klup ku mas medaya di Oro, ku 11. Tambe tabatin yudoka ku a partisipá pa Extreme Judo Team, MMA Caribbean kende a gana 7 medaya di Oro i e ekipo di kas, SRS a bai ku 8 medaya di Oro.

Ekipo nobo

Federashon di Yudo Kòrsou ta satisfecho ku e manera ku e kampeonato a kana, unda tambe por a tuma nota di un ekipo nobo, ku ta Eagles Curaçao Judo Team, bou di guia di Tico Balentien.

Te ku 6 aña

Den e kategorianan di e edat te ku  6 aña, Mathew Finies di SRS a sali vensedó den peso bou di 19 kilo. Den peso te ku 23 kilo Feran Rhuggenaath di MMA a gana di su 4 kontrinkantenan. Stijn Boskma, tambe di MMA a gana e kategoria te ku 27 kilo i Elijah Bernardina di Janwe a gana e kategoria riba 31 kilo. Serka e muchanan muhé te ku 6 aña Djeynaly Ortela-Hooi  a gana e kategoria te ku 23 kilo i Tirza de Freitas esun te ku 27 kilo. Ámbos di SRS.

Te ku 8 aña

Pa loke ta trata e muchanan te ku 8 aña, Abraham Daudier a gana e kategoria di peso te ku 23 kilo i Mickey Cinues a gana e kategoria te ku 35 kilo. E dos yudokanan ta miembro di Janwe Judo Club. Bou di e mucha muhénan te ku 8 aña MMA Caribean a gana tur tres kategoria di peso. Oro a bai pa  Shaylee Sleur (te ku 27 kilo), Jasmijn Boskma (te ku 35 kilo) i Jay-Anne Casares riba 35 kilo.

9 i 10 aña di edat

Den e edat di 9 i 10 aña, tabata Jahavi Kampe di MMA, kende a gana Oro den e peso bou di 26 kilo. Taymar Angel (SRS) a Oro den e kategoria bou di 30 kilo. Lorenzo Landaeta (-34 kilo), Cyne Isebia (-38kilo) i Keandro Isidora (-42 kilo), tur tres di Janwe, a gana medaya di Oro. Sheeda de Freitas di SRS (-26kg) i Hanadi Chahal di Janwe (-42 kg) tambe a logra Oro.

Te ku 12 aña           

Den e hóbennan te ku 12 aña, Marie-Laura Pourier di MMA (+42 kilo) i David de Wolf di Janwe (-38 kilo), a konkistá Oro, meskos ku Raydienne Martina da Silva di SRS (-42 kilo) i Samir Chagal di Janwe, pa partisipantenan riba 42 kilo i te ku 12 aña.