Federashon sòftbòl ku anochi di premiashon

86
Algun di esnan ku mas a destaká.
WILLEMSTAD—Ayera den oranan di anochi, Federashon di sòftbòl lokal, a sera nan temporada 2018. Esaki a tuma lugá na ABVO, unda pa di 3 aña konsekutivo, ku federashon di sòftbòl ta organisá un klousura di temporada, unda ku ofisialmente ta repartí tur e premionan ku tabatin.

Esaki inisiando for di hubenil te ku e divishon mas haltu. Un ke otro a bai den un tremendo ambiente, unda e anochi a inisiá ku algun diskurso i algu di músika i baile, pa seguidamente hasi entrega di e respektivo premionan. Finalmente a klousurá e anochi, despues ku tabatin un parti sosial, na final di e parti ofisial di premiashon.

Tur esaki despues di un gran aña, unda e presidente Lennert Angela sigur a destaká den su maneho i dedikashon, mirando tambe atras riba un gran aña pa loke ta e deporte mes, unda tambe ainda ta spera muchu mas progreso próksimamente. Durante di e premiashon a pone atenshon na tur ku a destaká i a kai den premiashon, unda nan a risibí algun bunita opsekio i rekuerdo.