Miembronan di “Tra’i Seru” a hasi diferente famia kontentu

144
E paketenan ku a keda repartí.
WILLEMSTAD—Resientemente miembronan di e ekipo di divishon Little, di e organisashon di Tra’i Seru, konhuntamente ku ‘Voedselbank Curaçao’, a yuda hasi vários famia kontentu.

Esaki entregando diferente paketenan di komestibel, komo regalo, den kuadro di e proyekto di fin di aña, “Tra’i Seru Shares”. Un ke otro, unda “Fundashon Baseball Team Tra’i Seru”, ta purba aportá di un forma sosial ku nos komunidat. Tur esaki ainda no ta basta, unda un i tur mester ta pendiente pa mas. Sigur algu pa aploudí unda ku no solamente ta siña nos hóben deportistanan kon pa ehersé nan deporte, kompetí i forma un mihó hende, pero tambe ku atenshon i dedikashon na esnan den mas nesesidat, den nos komunidat.

Ta e intenshon pa hasi mas di e tipo di eventonan aki, unda ta gradisí Cursoft, Infotrans i Florida Xpress, pa yuda e organisashon di Trai Seru, pa por a hasi nan deseonan pa hasi un otro kontentu, realidat.