Pieter i Rijnschot ku triunfonan konvinsente

112
Nos yudokanan den akshon.
WILLEMSTAD—E yudokanan, ámbos miembro di SRS, kende ta parti di e kategoria tiner, Sharvin Pieter i Jurvenier Rijnschot, a demonstrá ku nan ta dominá nan téknikanan di yudo ganando den nan respektivo kategorianan di peso.

Pieter ta parti di e kategoria mas lihé i Rijnschot esun pisá. Sharvin Pieter su téknikanan di pia ta eksepshonal pa su edat i a pone ku e a gana su kontrinkantenan konvinsentemente.

Rijnschot ta dominá su téknikanan di tira su kontrinkante ku skouder òf hep di un manera ku e públiko ta bula lanta para, di entusiasmo.

Pa loke ta kategoria pa partisipantenan tiner femenino Zuwena Valks di Extreme a gana Oro den final, derotando Sanoa Piepenbrink di MMA, kende a optené medaya di Plata.