Jemyma Betrian awe den kuart final di mundial di bòkseo

141
Jemyma Betrian.
INDIA—E deportista femenino oriundo di nos isla Kòrsou, Jemyma Betrian, ta sigui saka kara den eksterior. Esaki unda ayera e la bolbe optené triunfo. Un ke otro ayera, den e kampionato mundial di bòkseo pa partisipantenan femenino ku ta tumando lugá na India.

Tabata triunfo, ku kual e la logra su pase pa kuartfinal di e kompetensia mundial, den kategoria di partisipantenan te ku 57 kilo. Ayera Jemyma di 27 aña di edat, a gana di e surkoreano Aeji Im.

E rèfri di e pela a para esaki den di 3 asalto, despues di algun gòlpi fuerte di e mucha di nos, ku a hasi su debut den un kompetensia mundial di bòkseo.

E triunfo di ayera, tabata riba e ganadó di medaya di Oro, aña pasá pa loke ta kampionato mundial junior.

Despues di algun fuerte sla di Betrian, su kontrinkante kasi no por a para riba su pia mas, kual tabata motibu pa rèfri para e pelea i duna Jemyma e viktoria. Esaki despues ku kasi rèfri por a para e pela tambe den e asalto anterior, despues di algun tremendo gòlpi di Betrian.

Miéntras tantu awe Jemyma, lo topa ku e dama italiano Alessia Mesiano, den kuartfinal di e kampionato mundial na New Delhi India. Ta trata aki di e kampion mundial di aña 2016, pa loke ta e kategoria ku nan ta bringando aden.