KLM Curaçao Máratòn ta selebrá 1elustro

156
Tur kos ta kla !

 

WILLEMSTAD—Djadumingu awó, dia 25 novèmber 2018, lo tuma lugá e di 5 edishon di KLM Curaçao Máratòn. Kees van Muiswinkel, presidente di e fundashon Run in the Sun, kende ta organisadó di e evento, ayera mainta a tene su delaster konferensha di prensa.

“Nos ta hopi kontentu ku e aña aki tin 2.500 partisipante, di kua 1/3 parti ta bin Kòrsou, for di 37 pais. Esaki tantu pa loke ta trata partisipante komo fanátiko, unda tin bishitante te asta for di Oustralia. E grupo aki ta bin Kòrsou pa disfrutá di un ”Runcation”. Ta kalkulá ku alrededor di 2.500 turista ta bin Kòrsou spesialmente pa e evento.

Ta trata aki di kareda ku lo kuminsá i finalisá na Hilton Curaçao, unda un parti di e trayekto, ta nobo pa e máratòn i mitar máratòn, repartí den diferente distansia, kada unu inisiando na orarionan diferente for di den oranan trempan.

Organisadónan a kòrda pa asina partisipantenan ta bon  trata, pa loke ta T-shirt, kos di bebe i tambe premio entre otro i na final un bunita rekuerdo.

Ta trata aki di evento ku tin komo meta prinsipal banda di e aspekto turístiko, e kontribushon pa promové deporte i movishon na Kòrsou. Deporte ta kondusí na lasonan di amistat. Ta hopi ‘great’ pa na final mira tur e partisipantenan asina kontentu i amistoso ku otro.

E aña aki ta kolektá sèn pa “Ride for the Roses/Fondo Prensès Wilhelmina, miéntras ku e seremonia di premiashon i ‘afterparty’, lo ta direktamente despues di e finalnan, pa 7’or di mainta lo tin un ambiente festivo na playa di Hilton Hotèl i pa 10:15 lo tin seremonia di entrega di premio, siguí pa e rifa di pasashi di KLM pa Amsterdam.